ياتجيني يا أجيلك

شييخصك باقي عندي " قلب " من غيرك وحيد !ما يبي يبقى معاي .........! يا أجيلك / أو يجيلك !

يسألوني الناس عنِّك ! وليه ما أكتب [ قصيد ] ؟!قول .. لا تسكت .. تكلَّم .. وش أجاوبهم دخيلك؟!

اختلفنا . . . . . وما عرفنا شنهو الرأي السديد ..يا تضحِّي في عنادك ..! أو أضحِّي في سبيلك !

ليه كل عيد إنتْـفارق ؟! صرت أكرَه كل عيد !وأنت فارق في [ غلاتك ] .. وقلبي ما عنده مثيلك !

المشاعر من غيابك يا دفا إحساسي , جليد !طحت من عيني لـ قلبي وما قدرت إنِّي أشيلك !

يشهد الله .. من رحلت وفي حياتي ، لا جديد ..وكل ما ألمَح سرابك .. أرتِبِك ، الله وكيلك !

حالتي صعبه / بدونك .. وكيف حالك يا بعيد؟أشتكي منِّك إليك .. ومن جروحي , أشتكيلك !

والله ما قصرَّت فيني بس .. ودِّي لو تزيد !يعني " أذبحني " وكمِّل يا بعد قلبي / جميلك !

أدري غلطاتي كثيرة .. وفوق كل هذا عنيدوش تسوِّي هذا حظِّك رغمزلاتي [ خليلك ] ..!

أقتلك .. لا من خطيت ويا عسى عمرك مديد !و أعذرك .. لو كنت قاتل لأنه يستاهل قتيلك .!

ويلي منِّك لو نسيتك . . . والزعل طبعاً " شديد " ..ولو أحس لحظه بـ أنِّك منشغل عنِّي ؟! يا ويلك ..!

كلعاذل جاك بَعْدِي .. وقالـ لك إنِّي : سعيد- ما صِدَق ! وين السعادة ! والحزن شيَّد رحيلك !

وكل عاذل قال عنِّي شي .. - إحساسه بليد !ما قدر يأخذ كثيرك .. صار يطمح , في قليلك !

وكل عاذل إن عطيته وجه .. - ورَّااااك المزيد !لو يقول إنَّه : يبيلك خير !! والله ما يبيلك !

جيتهم طيِّب ....... . وأدري في زماني ما يفيد !!وش حصيل الطيب فيهم ؟ ومن فراقي , وش حصيلك !

بترك الدنيا عشانك ! دام هذا ما تريد ..ويا عسى كلمة " عشانك " تشفي يا روحي غليلك !!

الدليل إنِّي أحبك : صرت أحسِّك بـ [ الوريد ] !وأدري في قلبك يحبني دون ما أسمع دليلك !

فيعيونك صرت ( شاعر ) واصل القمة / فريد !!وصرت تسوى في عيوني كل بَنيجنسك , وجيلك ..

مثل قلبك ما ألاقي ..! ومثلي ما تلقى أكيد !يعني ما عندك بديل ومستحيل ألقى بديلك ..!

ياغزالٍ . . . . . شُوف قلبي ما يبي غيرك يصيدولا بغيتك ..أدري وينكأسمعك , وأتبَع [ سليلك ] ..!

إجلس بـ عرش الفؤاد ولك أحاسيسي عبيدواعتبر حُبي نهارك , وقمره .. تضوي في ليلك !

ياللِّي شيَّعت المفارَق ....., أشرب وصالي و أزيد ..خذ دفا إحساااسي و " إدفا " كان بردك هد حيلك ..!

ياأجيلكأو تجيني !هذا هو الحل الوحيد ..وأنت قرِّر يا حبيبي .. يا تجينييا أجيلك !

كلمات جميلة ...
ذكرتني بأغنية لأسماء المنور ... أسمها " حسأل و سيبك لضميرك ..."

بتمنى تسمعها ..